Adeste, fideles, laeti triumphantes,
venite, venite in Bethleem:
natum videtis Regem angelorum.
Venite, adoremus, venite adoremus
venite adoremus Dominum.
 
En grege relicto, humiles ad cunas
vocati pastores approperant:
et nos ovanti gradu festinemus.
Venite adoremus, venite adoremus,
venite adoremus Dominum.
 
Aeterni parenti splendorem aeternum
Velatum sub carne videbimus:
Deum infantem, pannis involutum.
Venite adoremus, venite adoremus,
venite adoremus Dominum.
 
Pro nobis egenum et foeno cubantem
piis foveamus amplexibus:
Si nos amantem cuis non redamaret?
Venite adoremus, venite adoremus,
venite adoremus Dominum.