Pange, lingua gloriosi Corporis mysterium
Sanguinisque praetiosi, quem in mundi praetium,
fructus ventris generosi, rex effudit gentium.
 
Nobis datus, nobis natus ex intacta Virgine,
et in mundo conversatus, sparso verbi semine,
sui moras incolatus miro clausit ordine.
 
In supremae nocte coenae, recumbens cum fratribus,
observata lege plene, cibis in legalibus,
cibum turbae duodenae Se dat suis manibus.
 
Verbum caro, panem verum, verbo carnem efficit,
fitque sanguis Christi merum; et, si sensus deficit,
ad firmandum cor sincerum, sola fiddes sufficit.
 
Tantum ergo Sacramentum, veneremur cernui,
et antiquum documentum, novo cedat ritui:
praestet fides supplementum, sensuum defectui.
 
Genitori Genitoque, lous et jubilatio,
salus, honor, virtus quoque, sit et benedictio;
Precedenti ab utroque, compar sit laudatio.
 
Amen.